دكتور انا بدي اشرحلك حالتي من البداية .. هلأ في الي اكتر من خال وخالة عندهم حصى وفشل كلوي / وانا وكل اخواني كان عنا تبول لا ارادي ضل عندي لعمر 14سنة / ما بعرف اذا مهم بس بلغت بعمر 18 سنة وكانو يضلو يحكولي المبايض خاملة بس حاليا الدورة منتظمة بس ببدا وجعها قبل باسبوع وخلال اول 3ايام وبكون قوي جدا جدا لدرجة بخبط راسي بالحيطان من وجعها ..

عمري 20 .. متزوجة .. ما في حمل ولا اطفال
بدا معي الموضوع من سنة ونص صار وجع خواصر قوي جدا واخر ظهري وحرقة بول وحرارة عالية جدا .. راجعت الطوارئ وعملولي فحص بول وواعطوني ابرة ووصفولي ادوية لتفتيت الحصى وتسكين الالم وتنزيل الحرارة .. طبعا نتيجة الجراثيم الي صارت عندي انتقلت العدوى للمهبل وصار عندي قرحة بعنق الرحم وكويتها .. وضليت كل فترة احس بوجع خواصر اضل اشرب مي وشعير .. عملت بعد 6 اشهر فحص بول وزراعة بول ووظائف كلى .. وحكولي كل شي تمام هالحكي بالمستشفى العسكري .. وحاليا انا رجع عندي حرقة بول رهيبة وصارلها اسبوعين ومن كم يوم باخد مضاد حيوي ciprofloxacin بس الحرقة ما بتروح اذا ضل البول بالمثانة بضل يحرق وبس يطلع بحرق وشرب مي كتير بس عالفاضي .. هلأ شو ممكن اعمل فحوصات ؟ .. وبدي أسأل اذا وظائف الكلى منيحة ليش بصير عندي ترسبات ؟؟ علما اني مش مدمنة قهوة او بيبسي او الاكل الي بعمل هيك
انا مش بالاردن وصراحة وضعي المادي حاليا صعب فحكيت بستشيرك وبتحكيلي شو الفحوصات وبكون ممنوونة جددااا